*~*~*Liham Para Sa Iyo*~*~*

Haaay *hinga ng malalim* Ang dami kong gustong sabihin sa iyo na hindi ko magawa sa tuwing kaharap ka o kausap ka sa kabilang linya ng telepono. Hindi ko kasi alam kung paano o kung bakit kailangan pa.. torpe din ako eh... kahit female version *ngiti*. Nga pala, maraming salamat sa lahat. Sa mga araw na ikaw ang iniisip ko at hindi siya. Lingid man sa kaalaman mo pero malaki talaga ang naitutulong mo sa akin. Sayang dahil limitado yung oras natin tuwing magka-usap tayo at napupuno pa ito ng tawa at usapang walang katuturan *tawa*. Sorry ha, hindi kita nagawang ipaglaban sa kanila dahil unang-una, wala naman akong karapatan sa iyo. O ikaw sa akin... Alam mo, para sabihin ko sa iyo, masaya ako at dumating ka sa buhay ko. Hndi man sa romantikong aspeto kundi bilang isang kaibigan na laging nandiyan at bilang estrangherong napadpad sa magulo kong mundo. Ngayon lang ako nakahanap ng isang tulad mo. Gusto kong sabihin na "hindi na kita pakakawalan pa" pero anong magagawa ko kung ikaw ang gustong lumayo? Muli't-muli bumabalik sa iyo ang alaala ko. Pilit ko mang itinatago, talagang ikaw ang laman ng puso ko. Naiinis na nga ako sa takbo ng mga pangyayari. Pilit kong idinidikta na kalimutan ka pero nauuwi lang sa wala. Ang totoo nasasaktan ako dahil binabalewala mo lahat ng ibinibigay ko. Siguro nga hindi mahalaga ang isang tulad ko sa kagaya mo. Para akong isang mumunting bituin na nalalampasan ng iyong tingin sa malamyos na pangitain ng pinipitagang buwan. Alam kong hindi mo kayang ibigay o ibalik man lang ang atensyong ibinabahagi ko sa iyo. Malinaw naman sa akin yun. Siguro ako lang talaga ang may problema. Kahit na nasasaktan ako sa tuwinang nagbibigay ako ng payo sa iyo, isinasantabi ko lahat yon. Pilit kitang inaabot samantalang may iba ka ring gustong makamtan. Ipinagmamalaki ko dati na hindi ako martir pero mapaglaro ang tadhana at iniligaw ka sa tahimik kong paraiso. Lagi akong nangangatuwiran na sana hindi ganito ang nararamdaman ko kasi napapagod din ako. Sana hindi pa huli ang lahat kapag kahit papaano, maramdaman mo ang halaga ko...

Heehee... how was it? Kinda emotional, don't you think? Well, I was inspired by the love songs I heard over the radio and the memory of Kurama *Yuyu Hakusho* and Haku *Spirited Away* passed my mind... Waiiii!!!! Kurama-kun, Haku-san!!! I miss yah!

P.S.
Akala niyo IRL *in real life* yung entry na to no? Hmmm... Who knows? This letter might be for someone out there... *sighs...*